Amás, d’alcuerdu colo qu’establez la Llei 15/2014 almítense tamién tolos certificaos reconocíos incluyíos na “Llista de confianza de prestadores de servicios de certificación” (TSL) establecíos n’España, publicada na sede electrónica del Ministeriu d'Industria, Enerxía y Turismu, onde se recueye la llista actualizada llexible tanto por humanos como por máquines.
Documentu Nacional d'Identidá Electrónicu
Llei 59/2003, de 19 d’avientu, de Firma Electrónica
Artículu 15. Documentu nacional d'identidá electrónicu.
1. El documentu nacional d’identidá electrónicu ye’l documentu nacional d’identidá qu’acreíta electrónicamente la identidá personal del so titular y dexa firmar electrónicamente de documentos.
Certificaos de la Fábrica Nacional de Moneda y Timbre (FNMT)
El Principáu d’Asturies almite la utilización del Certificáu de clas 2 de la Fábrica Nacional de Moneda y Timbre. Si quies sacar un certificáu dixital de la FNMT, puedes dirixite a la páxina de CERES (Autoridá pública de Certificación Española), onde vas atopar la información y instrucciones necesaries pa empezar y completar la so obtención.
Certificaos del Conseyu Xeneral de l’Abogacía Española
El Conseyu Xeneral de l'Abogacía Española, como Autoridá de Certificación, emite estos certificaos reconocíos pola Alministración del Principáu d’Asturies, p’abogaos y personal alministrativo de los Colexos d’Abogaos:
- Certificáu d’Emplegáu: identifica al personal que tien una vinculación xurídica con un Colexu d’Abogaos o un Conseyu.
- Certificáu de Colexáu: identifica a los colexaos (abogaos o colexaos non exercientes) dientro del exerciciu del so ámbitu profesiona.
Certificaos de Firmaprofesional
Firmaprofesional, como Autoridá de Certificación, emite estos certificaos reconocíos pola Alministración del Principáu d’Asturies pa la realización de trámites telemáticos:
- Certificáu de Colexáu o de membresía
- Certificáu d’Emplegáu de Colexu Profesional
- Certificáu d’Emplegáu o Persona Vinculada a una Empresa
Si, nestos casos, quies sacar un certificáu dixital, puedes dirixite a la páxina de Firmaprofesional pa recibir más información.
Certificaos de Camerfirma
Camerfirma, como Autoridá de Certificación, emite estos certificaos reconocíos pola Alministración del Principáu d’Asturies pa la realización de trámites telemáticos.
- Certificáu de pertenencia a empresa: ye un certificáu de persona física qu’incluye la circunstancia o atributu de la rellación llaboral o contractual del firmante con una entidá determinada.
- Certificáu de representante: ye un certificáu de persona física qu’incluye la rellación de representación llegal o d’apoderamientu xeneral del firmante al respective d’una entidá determinada.
- Certificáu d’apoderáu especial: ye un certificáu de persona física qu’incluye la rellación d’apoderamientu especial del firmante al respective d’una entidá determinada.
- Certificáu de Persona xurídica: ye un certificáu qu’incluye la rellación de representación del solicitante (persona física) al respective del firmante (la entidá persona xurídica).