Accesibilidá
Declaración d’accesibilidá
El Principáu d’Asturies comprometióse a facer accesible el so sitiu web, d’alcuerdu col Real Decretu 1112/2018, de 7 de setiembre, sobre accesibilidá de los sitios web y aplicaciones pa dispositivos móviles del sector públicu
Esta declaración d’accesibilidá aplícase a la sede electrónica l’Alministración del Principáu d’Asturies (miprincipado.asturias.es).
Información adicional: Esta declaración d’accesibilidá ye de calter temporal. Anguaño, tamos llevando a cabu una auditoría pa identificar tolos posibles errores d’accesibilidá nun entornu de desenvolvimientu estable. El nuestru equipu ta trabayando na igua d’estos problemes p’asegurar que la versión próxima de la nuestra declaración reflexe con detalle los errores detectaos y el nivel de cumplimientu.
Situación de cumplimientu
Esta sitiu web ye parcialmente conforme col Real Decretu 1112/2018, por mor de la falta de conformidá de los aspectos que s’indiquen de siguío
Conteníu non accesible
El conteníu que se recueye de siguío nun ye accesible por estos motivos:
a. Falta de conformidá col RD 1112/2018
- Existen errores nel usu d’un etiquetáu semánticu que reflexe la información y les rellaciones del conteníu, el nome, función y valor en WAI-ARIA [requisitos númberu 9.1.3.1 y 9.4.1.2 d’UNE-EN 301549:2022]. 022]
- Existen conteníos non testuales que nun tienen una alternativa testual, o que tienen una alternativa que nun ye amañosa [requisitos númberu 9.1.1.1 Conteníu non testual d’UNE-EN 301549:2022].
- Existen errores rellacionaos col usu del color pa tresmitir información y el contraste de color testual y non testual [requisitos númberu 9.1.4.1, 9.1.4.3 y 9.1.4.11 d’UNE-EN 301549:2022].
- Existen errores al personalizar l’espaciáu del testu [requisitos númberu 9.1.4.12 d’UNE-EN 301549:2022].
- Existen errores con imáxenes qu’incluyen testu [requisitos númberu 9.1.4.5 d’UNE-EN 301549:2022].
- Existen pantalles onde’l focu tien problemes rellacionaos col orde y la so visibilidá [requisitos númberu 9.2.4.7 y 9.2.4.3 d’UNE-EN 301549:2022].
- Existen formularios onde nun s’identifica’l propósitu de la entrada, onde los errores nun s’identifiquen correctamente, o onde nun se faciliten etiquetes o instrucciones de forma afayadiza tocante al manexu de los datos personales [requisitos númberu 9.1.3.5 y 9.3.3.2 d’UNE-EN 301549:2022].
- Existen errores rellacionaos col procesamientu de códigu (CSS y HTML) [requisitos númberu 9.4.1.1 d’UNE-EN 301549:2022]. 022] 022] 022]
- Existen errores rellacionaos col oxetu de los enllaces, los encabezaos o etiquetes poco descriptives [requisitos númberu 9.2.4.4 y9.2.4.6 d’UNE-EN 301549:2022].
- Existen errores rellacionaos colos requisitos de documentación y servicios de soporte [requisitos númberu 12.1.2 d’UNE-EN 301549:2022]
- Existen errores rellacionaos colos requisitos de conformidá de les pautes WCAG [requisitos númberu 9.6 d’UNE-EN 301549:2022]
- Hai archivos ofimáticos que nun cumplen dafechamente colos requisitos d’accesibilidá.
b. Carga desproporcionada
Nun aplica.
c. El conteníu nun entra dientro del ámbitu de la llexislación aplicable
El sitiu web pue contener archivos ofimáticos —publicaos primero del 20 de setiembre del 2018 y que nun s’usen pa llabores alministrativos activos— que nun cumplan dafechamente colos requisitos d’accesibilidá.
Preparación d’esta declaración d’accesibilidá
Esta declaración preparóse’l 12 de xunu del 2025
El métodu usáu pa preparar la declaración foi una evaluación esperta en fondura llevada alantre por un equipu auditor esternu.
Última revisión de la declaración: 12 de xunu del 2025
Observaciones y datos de contactu
Comunicaciones sobre requisitos d’accesibilidá
Pue realizar comunicaciones sobre requisitos d’accesibilidá (artículu 10.2.a) del Real Decretu 1112/2018 como, por exemplu:
- Informar sobre cualquier posible incumplimientu d’esti sitiu web.
- Tresmitir otres dificultaes d’accesu al conteníu.
- Formular cualquier otra consulta o suxerencia de meyora relativa a l’accesibilidá del sitiu web.
Al traviés del email accesibilidad.web.PAAD@asturias.org designáu pa estos efectos na sede electrónica de l’Alministración del Principáu d’Asturies.
Solicitúes d’información accesible y quexes
Al traviés del formulariu de solicitúes d’información accesible y de quexes en materia de quexes d’accesibilidá, pue presentar una solicitú d’información d’accesibilidá relativa a:
- Conteníos que tán escluyíos del ámbitu d’aplicación del Real Decretu 1112/2018, según lo establecío pol artículu 3, apartáu 4.
- Conteníos que tán quitos del cumplimientu de los requisitos d’accesibilidá por imponer una carga desproporcionada.
Na Solicitú d’información accesible han concretase bien a les clares los fechos y razones que dexen constatar que se trata d’una solicitú razonable y llexítima.
Procedimientu d’aplicación
Si depués de realizar una solicitú d’información accesible o quexa, esta se desestima y nun se ta conforme col determín tomáu, o si la respuesta nun cumple los requisitos contemplaos n’artículu 12.5 del RD 1112/2018, la persona interesada va poder presentar una reclamación. De la mesma manera, va poder presentase una reclamación si nun hai respuesta nel plazu de venti díes hábiles.
La reclamación pue presentase al traviés d’esti (Contactu), amás de les demás opciones recoyíes na Llei 39/2015, de 1 d’ochobre, del Procedimientu Alministrativu Común de les Alministraciones Públiques.
Conteníu opcional
L’accesibilidá del portal túvose presente de forma integral nel procesu de diseñu, xestión, caltenimientu y actualización de conteníos.
Esti sitiu web aplica los requisitos de la Norma UNE-EN 301549:2022, considerando les escepciones del RD 1112/2018.
La última revisión d’accesibilidá realizóse’l 12 de xunu del 2025
Compatibilidá
El sitiu web:
- diseñóse siguiendo los estándares y normatives vixentes tocante a l’accesibilidá, cumpliendo colos puntos de verificación de prioridá 2 (AA) definíos na especificación de Pautes d’Accesibilidá al Conteníu na Web (WCAG 2.1)
- ta optimizáu pa les versiones vixentes de Chrome, Edge, Firefox, Safari y Opera
- ta diseñáu pa la so visualización correcta en cualquier resolución y dispositivu d’escritoriu, tabletes o móviles (diseñu responsive)
- realizóse usando HTML5 como llinguaxe de marcáu y fueyes d’estilu CSS 3 pal so diseñu
Amás, realízase un trabayu continuu d’auditoría y revisión de conteníos pa facilitar la so interpretación y ameyorar la navegación pel portal web
1.1 Compatibilidá y personalización
1.1.1 Compatibilidá
Esti sitiu web ta optimizáu pa la so visualización nos principales navegadores web: Chrome, Firefox, Safari o Edge.
Programóse siguiendo los estándares internacionales HTML 5, CSS y WAI-ARIA.
1.1.2 Visualización responsive
Esti sitiu web ta diseñáu tamién p’adaptar la so visualización de forma óptima nos más de los navegadores de dispositivos móviles: Chrome, Firefox, Safari, Edge y el navegador nativu d’Android.
1.1.3 Aumentar y menguar el tamañu de testu
Si quier aumentar el tamañu de testu, tien la posibilidá de facer zoom na páxina con estos atayos de tecláu:
- tecla “Control” (o “Comandu” en Mac) + tecla “+” p’aumentar
- tecla “Control” (o “Comandu” en Mac) + tecla “-” pa menguar
- tecla “Control” (o “Comandu” en Mac) + tecla “0” pa volver al tamañu orixinal
Nesta tabla indícase cómo aumentar o menguar el zoom de la páxina nel menú de los navegadores más usaos:
| Navegador | Acción |
|---|---|
| Chrome, Edge | opción “Zoom” |
| Firefox | opción “Tamañu” |
| Safari | Visualización > Aumentar o Menguar |
Cómo aumentar y menguar el zoom de la páxina nos navegadores (versiones más actuales)
1.1.4 Desactivar el diseñu visual
Si’l diseñu o estructura de dalguna páxina dificulta la navegación, pue desactivar el diseñu visual de les páxines pa entrar nel conteníu d’una manera más cenciella y estructurada.
Nesta tabla indícase cómo desactivar el diseñu visual nos navegadores más usaos que dexen esta funcionalidá:
| Navegador | Acción |
|---|---|
| Firefox | Ver > Estilu de la páxina > Ensin estilu |
| Safari | Edición > Preferencies > Avanzáu (activar opción mostrar el menú y zarrar ventana) > Desenvolvimientu (del menú principal) > Desactivar estilos |
Cómo desactivar el diseñu visual nos navegadores (versiones más actuales)
1.1.5 Cómo cambiar de colores
La Llectura fácil ta basada nos principios de democracia llectora y integración social al traviés de la llectura. Quier averar la llectura a persones con dificultaes llectores o de comprensión (un 30 % de la población). La Llectura fácil dexa a estos colectivos l’accesu a la cultura, la llectura y la información como derechu ciudadanu.
Estos son dellos exemplos de servicios que s’adaptaron a la llectura fácil:
| Navegador | Acción del menú |
|---|---|
| Firefox | Ferramientes > Opciones > Conteníu > Tipos y colores > Colores |
| Internet Explorer | Herramientas > Opciones de Internet > Apariencia > Accesibilidá |
| Opera | Menú > Páxina > Estilu > Usuariu o contraste altu |
Cómo desactivar el diseñu visual nos navegadores (versiones más actuales)
1.1.6 Conteníos n’otros formatos
En dellos casos pue ser que les páxines se complementen con conteníos presentaos n’otros formatos (documentos, vídeos, animaciones, etc.).