¿Qué ye miPrincipado?

miPrincipado ye un serviciu dixital de l’Alministración del Principáu d’Asturies qu’ufierta un conxuntu de prestaciones a la ciudadanía nun puntu d’accesu electrónicu únicu al traviés de la dirección https://miprincipado.asturias.es, toes elles rellacionaes colos sos derechos, establecíos na Llei 39/2015, de 1 d’ochobre y autonómica aplicable, y ente ellos:

• Consultar trámites y situación de los espedientes onde se tien la condición d’interesáu.
• Xestionar los documentos presentaos al Principáu pa que seyan reutilizables n’otros procedimientos alministrativos.
• Consultar el catálogu de trámites del Principáu d’Asturies.
• Firmar documentos que m’unvia’l Principáu d’Asturies.
• Acceder a les notificaciones electróniques.
• Soscribise al serviciu de notificaciones electróniques del Principáu d’Asturies.
• Presentar documentos al Principáu d’Asturies si se requirieron.
• Presentar documentos al Principáu d’Asturies en cualquier momentu.
• Consultar les anotaciones rexistrales de les mios solicitúes y documentos.
• Consultar la situación de los mios pagos pol Principáu
• Igualmente, van tar disponibles tolos servicios qu’establez la normativa pa una sede electrónica d’una Alministración Pública.

La so titularidá correspuende a l’Alministración del Principáu d’Asturies. Les competencies de la so xestión correspuenden dafechu a la Dirección Xeneral d’Estratexa Dixital y Intelixencia Artificial d’alcuerdu col Decretu 24/2024, de 15 de marzu, de primer modificación del Decretu 73/2023, de 18 d’agostu, pol que s’establez la estructura orgánica básica de la Conseyería de Presidencia, Retu Demográficu, Igualdá y Turismu.