¿Qué ye la Oficina d'atención a les empreses?

Anclas Oficina de Atención a las Empresas

La Oficina d’Atención a les Empreses ye l’espaciu de referencia y interlocución pa les empreses, pymes y persones autónomes del Principáu d’Asturies. Ye’l puntu de contactu, información y asesoramientu pa tolos aspectos relativos a tramitaciones cola Alministración rexonal.

Les circunstancies qu’arrodien anguaño al mundu empresarial (reindustrialización, sostenibilidá, dixitalización, mercaos globales, etc.) precisen que la toma de determinos poles empreses y que la execución material de los sos proyectos seya lo más áxil posible. Ye menester que dende l’Alministración s’ufierten respuestes clares y rápides a les sos necesidaes.

Esta Oficina busca sofitar y ameyorar la economía y el texíu empresarial ufiertando una interlocución única qu’apurra soluciones y ufierte mecanismos d’apoyu pa resolver nel menor tiempu posible la tramitación de proyectos. Trátase d’un espaciu únicu al que-y puedan treslladar cualquier dulda relativa a solicitúes de permisos, autorizaciones alministratives o plazos de resolución de trámites que se tengan que facer o yá s’entamaren.

[Ancla]

¿Qué servicios s’ufierten dende la Oficina d’Atención a les Empreses?

Información y asesoramientu personalizáu:

  • Facilitamos l’accesu a los trámites que tengan que facer les empreses énte l’Alministración rexonal.
  • Apoyu en tol procesu, amás de siguimientu de los espedientes y de los plazos de respuesta.
  • Análisis de casos particulares con dificultaes específiques de tramitación
[Ancla]

¿Cómo puedo contactar cola oficina?

Teléfonu: 985287130

Mail: oficina.dgempresas@asturias.org

P'alcordar reuniones presenciales, tamos na cai Santa Susana, 29 Baxu (33007) Uviéu (ye menester solicitar cita previa).

[Ancla]

¿En qué podemos ayudate?

Enllaces d'interés