¿Cómo puedo buscar información nel BOPA?

Trátase del formulariu que se muestra na páxina inicial de BOPA y llexislación, nun recuadru tituláu 'Buscar nel BOPA'. Tamién se muestra na parte cimera de la páxina de resultaos dientro d’un recuadru tituláu 'Términu(os) de busca:

Esta busca ye asemeyada a la de los buscadores convencionales polo que s’aconseya usar palabres clave.

Les palabres tecliaes combínense con un operador de conxunción (Y), quier dicise, namás se van localizar disposiciones que contengan toles palabres tecliaes.

Aconséyase usar comines pa busques de secuencies exactes de palabres o pa namás una palabra exacta. Por exemplu, “Universidá d’Uviéu" va recuperar los documentos que contengan eses palabres nesi mesmu orde; nun va recuperar, por exemplu, documentos que contengan “Uviéu” y “universidá”.

Ye posible facer busques de toles menes sobre la base de datos del Boletín Oficial del Principáu d’Asturies, n’adelantre BDBOPA, ellaborada y actualizada pol Serviciu de Publicaciones, Archivos Alministrativos, Documentación y Participación Ciudadana de l’Alministración del Principáu d’Asturies. Una base de datos que recueye:

• dende 1978 a 1981 les disposiciones normatives del Conseyu Rexonal d’Asturies desapaecíu.
• dende 1982 toles disposición publicaes na sección I - Principáu d’Asturies del BOPA y parte de la sección IV, Alministración local a testu completu. Amás recueye la normativa estatal y europea aplicable nel Principáu d’Asturies.

El términu disposición úsase nesti contestu nun sentíu ampliu, esto ye, faciendo referencia a toos y caún de los conteníos posibles publicaos nel BOPA, seya la que seya la so naturaleza, yá seyan actos alministrativos o fontes del derechu (disposiciones normatives o normes xurídiques).

N.u de boletín

El númberu de boletín ye un elementu referenciáu na BDBOPA que correspuende, dientro de cada añu, a la numberación correlativa que’l Serviciu de Publicaciones del Principáu d’Asturies axudica a cada BOPA que se publica.
Polo tanto, esti campu del buscador resulta mui útil pa localizar el conteníu d’un boletín determináu del que se desconoz el númberu.
Ejemplu: 123

Fecha boletín (dende) y fecha boletín (hasta)

Dexen acotar la busca pa un intervalu de tiempu determináu, resultando de gran utilidá tanto cuando se conoz la fecha exacta de publicación (ver exemplu 1) como cuando namás se tien una cierta aproximación temporal de la publicación de la disposición o d’otru conteníu del BOPA que se tenta de localizar (ver exemplu 2 y 3).

1. Ejemplu 1: pa buscar conteníos del BOPA publicaos nuna fecha determinada, por exemplu’l 12 d’abril del 2002, va tener que rellenar los campos correspondientes del buscador d’esta manera:
   • fecha boletín (dende): 12-04-2002
   • fecha boletín (hasta): 12-04-2002
2. Exemplu 2: pa buscar conteníos del BOPA publicaos ente’l 12 d’abril del 2002 y el 30 d’abril del 2002, dambos inclusive, va tener que rellenar los campos correspondientes del buscador d’esta manera:
   • fecha boletín (dende): 12-04-2002
   • fecha boletín (hasta): 30-04-2002
3. Exemplu 3: Pa buscar conteníos del BOPA publicaos ente’l 12 d’abril del 2002 y la fecha actual va tener que rellenar los campos correspondientes del buscador d’esta manera:
   • fecha boletín (dende): 12-04-2002
   • fecha boletín (hasta):

Clas de disposición

Esti campo del buscador dexa, con un desplegable con tolos valores disponibles, acotar la busca sobre una clas determinada de conteníos publicaos.

N.u disposición

El númberu de disposición ye un elementu referenciáu na BDBOPA pa les disposiciones normatives que tienen nel títulu un númberu d’orde, por exemplu lleis y decretos.
Polo tanto, esti elementu del buscador fai posible la localización inmediata d’una norma xurídica concreta de la que se desconoz el númberu. Ha ponese namás el númberu.
Ejemplu: 34

Añu de disposición

Polo tanto, esti campu del buscador fai posible delimitar la busca a un añu determináu, nel que sabemos que s’aprobó’l conteníu del BOPA que se tenta de localizar.

Títulu de la disposición

Correspuende al títulu de la disposición nel sumariu de la publicación.
Pa facer la busca sobre esti elemento de la BDBOPA, esti campu del buscador dexa, con mayúscules o minúscules, con o ensin tildes, introducir ún o dellos términos de busca.

1. Si namás s’usa un términu de busca, pue usase’l truncamientu.

2. Si s’usen dos o más términos de busca, pue usase dalgún d’estos operadores (rellaciones lóxiques posibles ente los términos de busca): AND, OR y AND NOT.

   L’operador AND equival a la conxunción "y", valiendo pa xuntar dos o más términos o palabres de busca, de manera que, usando esti operador, el buscador localiza toles disposiciones que contengan nel campu títulu los dos términos introducíos, cualquiera que seya la posición d’estos términos nel títulu de la disposición.
   Ejemplu: Pa buscar disposiciones que contengan nel títulu la espresión "Comisión d’Urbanismu y Ordenación del Territoriu", pue metese nel campu títulu del buscador "Comisión AND territoriu".

   L’operador OR equival a la conxunción "o", valiendo pa escoyer ente dos o más términos de busca, de manera que, usando esti operador "OR", el buscador localiza indistintamente cualquiera de los términos usaos, cualquiera que seya la posición d’éstos nel títulu de la disposición.
   Ejemplu: pa buscar disposiciones que contengan nel títulu la espresión "Comisión d’Urbanismu y Ordenación del Territoriu",  pue metese nel campu títulu del buscador "urbanismu or ordenación".

   L’operador NOT equival a un "sacante" de manera que’l buscador va localizar les disposiciones que contengan nel campu títulu la primer palabra y que nun contengan la segunda de les palabres.
   Ejemplu: pa buscar disposiciones que contengan nel campu títulu’l términu plantía y nun contengan el términu llaboral ha usase como cadena de busca: plantía NOT llaboral.

3. Un espaciu en blanco ente términos de busca equival a conformar una frase o espresión exacta, de manera que, executando una busca ensin operadores, el buscador localiza sobre’l títulu de la disposición exactamente la espresión o frase usada.

   Exemplu: pa buscar disposiciones que contengan nel títulu la espresión "mediu rural", pue introducir nel campu títulu: mediu rural.

Descriptores

Los descriptores son términos de llinguaxe controláu pertenecientes al tesauru Eurovoc, que’l centru de documentación recueye na BDBOPA pa referenciar de manera afayadiza la materia de la que trata cada disposición o conteníu publicáu nel BOPA. Toles disposiciones de la BDBOPA lleven asociaos ún o dellos descriptores.
Polo tanto, esti campu del buscador pue usase pa facer busques sobre’l conteníu material, yá tratáu, de cualquier conteníu publicáu nel BOPA.Pa que l’usu d’esti campu del buscador seya productible aconseyamos que siga esti procesu:

1. Consulte la llista de los descriptores usaos. Pue acceder a ella calcando nel enllaz Descriptores asitiáu a la derecha del campu del buscador del mesmu nome.
2. Los descriptores apaecen clasificaos alfabéticamente. Desque localizáu’l descriptor afayadizu pa la consulta, calque nél pa qu’automáticamente se cargue nel campu del formulariu de consulta (Nota: al facelo sustitúyese cualquier descriptor introducíu enantes).
3. Esti campu almite la funcionalidá del operador "AND" pa rellacionar dellos descriptores, pero nun s’almiten los truncamientos con "%".

Exemplu: urbanismu AND litoral

El buscador va mostrar namás les disposiciones que regulen la ordenación territorial y urbanística de la zona costera.

Palabres clave

Les palabres clave son términos referentes a topónimos, instituciones o organismos, sobre manera, que’l centru de documentación recueye na BDBOPA pa completar les referencies qu’estima necesaries pa tratar de manera afayadiza la materia o l’ámbitu al que se refier cada disposición o conteníu publicáu nel BOPA. Polo tanto, non toles disposiciones tienen palabres clave asociaes.
Pa que l’usu d’esti campu del buscador seya productible aconseyamos que siga esti procesu:

1. Consulte la llista de les palabres clave efectivamente usaes pol centru de documentación, llista que ta disponible calcando nel enllaz palabres clave asitiáu a la derecha del campu del buscador del mesmu nome.
2. Les palabres clave apaecen clasificaes alfabéticamente. Al calcar en dalguna palabra clave  métese automáticamente nel campu del formulariu de consulta (sustituyendo a cualquier términu introducíu enantes). Los operadores que se pueden usar son los mesmos qu’operen nel campu "títulu."

Nivel d'interés

L’elementu nivel d’interés, tamién recoyíu na BDBOPA, fai posible clasificar los conteníos publicaos na Sección I del BOPA "Principáu d’Asturies" en:

• disposiciones d’interés xeneral, en cuantes qu’afecten a una montonera de destinatarios (por exemplu una disposición normativa del tipu llei).
• disposiciones d’interés particular, en cuantes que tienen un interés limitáu a una persona o un grupu de persones determináu (por exemplu un decretu de nomamientu o una notificación).
  Polo tanto, esti campu del buscador, con un desplegable con tolos valores disponibles, dexa acotar la busca sobre un grupu determináu de conteníos publicaos nel BOPA.

Vixencia

Na BDBOPA márquense como derogaes toles disposiciones normatives que, a la fecha, foren dafechu derogaes (la derogación tácita nun se tien en consideranza) lo que fai posible clasificar los conteníos de la BDBOPA en dos grandes grupos:
- disposiciones normatives publicaes nel BOPA y yá derogaes dafechu.
- disposiciones vixentes (tol conteníu publicáu nel BOPA, seyan disposiciones normatives o non, que nun se derogare dafechu).

Polo tanto, el campo del buscador "Buscar namás disposiciones vixentes" fai posible acotar la busca sobre un grupu determináu de conteníos:
- si se marca esti campu, la busca va facese namás sobre les disposiciones de la BDBOPA vixentes, quier dicise, que nun tean marcaes como derogaes.
- si nun se marca esti campu, la busca va facese sobre toles disposiciones de la BDBOPA.

Na páxina inicial de BOPA y llexislación apaez un enllaz directu al últimu boletín del BOPA. Esti enllaz lleva al sumariu del últimu boletín disponible.

El formulariu de consulta por fecha dexa escoyer la fecha del boletín que se quier consultar. Muéstrase una ayuda en forma de calendariu desplegable pa escoyer la fecha.

El formulariu lleva al sumariu del boletín de la fecha escoyida.

Trátase del formulariu que se localiza na parte esquierda de la páxina que muestra’l sumariu d’un boletín. La so funcionalidá ye idéntica a la de 'Buscar en BOPA', sacante que la busca faise namás nel boletín que se ta mostrando.