¿Ye oficial y auténticu’l BOPA n’internet?
La edición electrónica del Boletín Oficial del Principáu d’Asturias publicada na sede electrónica del Gobiernu del Principáu d’Asturies tien calter d’oficial y auténtica dende’l 20 de xineru del 2009, derivándose d’ella los efectos previstos nel Decretu 218/2008 de 29 d’avientu, pol que s’aprueba’l Reglamentu del Boletín Oficial del Principáu d’Asturies.
Validación de la firma electrónica de documentos pdf
Tolos archivos en formatu pdf publicaos nesti portal tán firmaos con un certificáu reconocíu a nome del Boletín Oficial del Principáu d’Asturies qu’asegura la oficialidá y integridá de los archivos mentaos.
Adobe Reader 7.0 y les versiones d’Adobe Acrobat Estándar y Profesional dexen comprobar la validez de la firma electrónica de documentos pdf firmaos usando certificaos dixitales reconocíos.
Pa verificar la firma, la primer vez que s’accede a un documentu en formatu pdf ye menester facer esto:
- Dir a la pestaña (o l’iconu) “firmes” allugáu a la esquierda del panel del documentu pdf firmáu.
- Calcar col botón derechu del ratón enriba de la firma y escoyer la opción “propiedaes”.
- Na pestaña “resume” calcar en “mostrar certificáu”.
- Na pestaña “confiar” calcar el botón “agregar identidaes de confianza ”y aceptar el mensaxe.
- Aceptar la ventana ”visor de certificaos“.
- Aceptar la ventana llamada “importar configuración de contactos”.
- Na ventana “propiedaes” de la firma calcar el botón “verificar firma”.
Con esta operación descarga’l certificáu dixital nel ordenador. Dende esti momentu, cada vez que quiera realizase la comprobación de la integridá de la firma, de la validez del certificáu y del sellu de tiempu namás va tener que:
- Dir a la pestaña (o l’iconu) “firmes” asitiáu a la esquierda del panel del documentu pdf firmáu.
- Poner el punteru del ratón enriba de la firma, calcar col botón derechu del ratón la opción “validar firma”, onde yá apaez la so autenticidá. Si se calca en “propiedaes de la firma” delles pestañes ufierten el restu d’información.