Códigos d'Identificación de los órganos administrativos

El DIR3 ye un catálogu qu’incluye toles unidaes orgániques, organismos públicos y oficines de rexistru y atención a la ciudadanía de l’Alministración estatal, autonómica y local y los sos códigos d’identificación correspondientes.

Esti inventariu unificáu y común tien como finalidá que les Alministraciones puedan operar ente elles y dexar l’accesu electrónicu de la ciudadanía a los servicios públicos.

L’artículu 66 de la Llei 39/2015, de 1 d’ochobre, del Procedimientu Alministrativu Común de les Alministraciones Públiques, establez que les solicitúes que se formulen han contener l’órganu, centru o unidá alministrativa a la que se dirixen y el so códigu d’identificación correspondiente. Tamién establez que les oficines d’asistencia en materia de rexistros tán obligaes a facilitar a los interesaos el códigu d’identificación cuando lu desconozan y que les Alministraciones públiques tienen que caltener y actualizar na sede electrónica correspondiente una llista colos códigos d’identificación vixentes.

Pueden consultase los códigos DIR3 de les otres Alministraciones al traviés del enllaz: https://administracionelectronica.gob.es/ctt/dir3/descargas

Tabla de códigos DIR3 de órganos de la Administración del Principado de Asturias